19 декабрь көнне Сәфәр урта гомуми белем бирү мәктәбендә “ФГОС шартларында иҗади шәхес тәрбияләү чарасы буларак универсаль уку гамәлләре формалаштыру” темасына башлангыч класс укытучыларының район семинары булып узды.

Семинар вакытында түбәндәге ачык дәресләр тыңланды:

1 нче класста технология дәресе. Конструкцияләү буенча эшчәнлек «Чыршы ясау». Шәрифҗанова Диләрә Мәгъсүм кызы, I квалификацион категорияле башлангыч класс укытучысы.

2 нче класста әйләнә-тирә дәресе. «Төрле хайваннарның кышка ничек әзерләнүе». Гыйлмуллина Гөлфия Тимерхан кызы, II квалификацион категорияле башлангыч класс укытучысы.

3 нче класста математика дәресе. «2, 3, 4, 5, 6 саннарын тапкырлау һәм бүлүне ныгыту». Фазлыева Гөлгенә Ингел кызы, II квалификацион категорияле башлангыч класс укытучысы.

4 нче класста татар теле дәресе. «Боерык фигыльнең төрләнеше». Мирзаһитова Фәрәһия Рәис кызы, I квалификацион категорияле башлангыч класс укытучысы.

Класстан тыш эшчәнлек буенча I квалификацион категорияле музыка укытучысы Төхбәгалиева Илина Котдус кызы 4 класста «Җыр—кешенең гомерлек юлдашы» дәресен күрсәтте, I квалификацион категорияле рәсем укытучысы Нуруллин Рушат Фирдәвис улы «Яңа ел бүләге» темасына мастер-класс үткәрде.

Соңыннан дәресләргә үзанализ һәм анализ ясалды. Район мәгариф бүлегенең I квалификацион категорияле методисты Имамразыева Гөлназа Дәвран кызы мәгариф өлкәсендә булган яңалыклар белән таныштырды.