Яңа Әлем авылының “Яшелчә бакча”сында Гаилә елы кысаларында “Без бергә” дип исемләнгән бик матур гаилә бәйрәме узды. Чара мәктәп дирекциясе тарафыннан ата-аналар һәм укучылар белән берлектә оештырылды. Һәр сыйныф табын әзерләп, шуны яклады. Өстәлләр төрле темага багышланган иде: көзге муллык, милләтләр дуслыгы, татар халык ашлары, гөлбакча. Ахырдан нәтиҗәләр ясалып, урыннар чыгарылды. Җиңүче итеп “Бәхет ачкычы” (9 кл. сыйныф җитәкчесе Г.Р.Хамидуллина), “Татар яшьләре” (7 кл. сыйныф җитәкчесе Л.Ә.Сәлимҗанова) командалары билгеләнде. Укучылар, әти-әниләр һәм укытучылар халкыбызның милли уеннарын уйнап күңел ачтылар, “Беренчеләр” хәрәкәтенең флешмобын биеделәр, саф һавада ял итеп, тәмле ашлар белән сыйландылар. Әлеге чара укытучы – бала – ата-ана чылбырының нык һәм көчле булуын, Яңа Әлем мәктәбе укытучы, укучыларының һәм әти-әниләрнең бердәмлеген дәлилләде.