Бүген 9 класслар беренче имтиханнарын тапшырды.Быелгы уку елында Пучы урта гомуми белем бирү мәктәбендә 9 классны 22, 11 классны 3 укучы тәмамлый. Тугызынчылардан биология, тарих һәм физикадан төп дәүләт имтиханы итеп сайлаучылар бүген беренче сынауларын узды. Имтиханнар графигы «Рособрнадзор» сайтында күрсәтелгән.

 - 24 май — тарих, физика, биология;
- 30 май — җәмгыять белеме, информатика, география, химия;
- 2 июнь — чит тел  (инглиз, француз, немец, испан);
- 3 июнь — чит тел (инглиз, француз, немец, испан);
- 6 июнь — рус теле;
- 9 июнь — математика;
- 14 июнь— рус әдәбияты, физика, информатика, география;
- 17 июнь — җәмгыять белеме, биология, химия. Уңышлар,укучылар! 

Бүген мәктәпләрдә «Соңгы кыңгырау» бәйрәме узды. Быел безнең мәктәптә ул 25 укучы өчен яңгырады. Алда укучыларга имтиханнарда уңышлар теләп калабыз!

Дәшә серле юллар,

Башта төрле уйлар,

Яшь йөрәктә кайный мең сорау.

Якты юллар теләп,

Матурлыкка өндәп,

Саубуллаша көмеш кыңгырау.

Норлат шәһәрендә узган Габдулла Кариев исемендәге  II зона фәнни-гамәли конференциясендә 8 класстан Латыпова Нәзлия, Нуриева Ләйлә, 9 нчы б классыннан Хасанов Айгиз һәм татар теле һәм әдәбияты укытучысы Гөлназ Муллагалиева катнаштылар.  8 нче класс укучысы Нуриева Ләйлә 3 нче урынны яулады һәм Грамотага, ә башка катнашучылар сертификатка ия булдылар. Афәрин, котлыйбыз!!!

19 мая 2023 года в Актанышском районе проводилось праздничное мероприятие ко Дню Пионерии.  Наша школьная команда участвовала в познавательной квест-игре. Молодцы!

2023 елның 19 маенда Актаныш районында пионерлар көненә багышланган бәйрәм чарасы узды. Безнең мәктәп командасы танып белү рәвешендәг уен-квестында катнашты.Афәрин!

Экскурсияләр дәвам итә. Бүген 1 класс укучылары "Шәрип Шәймиев музей-йорты"нда экскурсиядә.

Мәктәп китапханәсендә "Юлда булсаң бул өлгер, юл йөрү кагыйдәсен син бел! исеме астында китап күргәзмәсе укучыларга тәкъдим ителә, рәхим итегез!  Фотода 3 класс укучылары, класс җитәкчесе-  Дәүләтова З.Ф. 

Беренчеләрдә Сабантуй. Класс җитәкчесе- А.Х. Акмалова.

Мәктәбебез укучысы  «Илһам» Бөтенроссия яшь язучылар бәйгесендә зур уңышка иреште.

Бүген мәркәзебез Казанда Г.Тукай әдәби музеенда Татарстан Республикасы Мәгариф һәм фән министрлыгы, Татарстан Республикасы язучылар берлеге тарафыннан оештырылган «Илһам» Бөтенроссия яшь язучылар бәйгесенең йомгаклау туры узды.
 "Яшь прозаик" номинациясендә мәктәбебезнең 8 нче сыйныф укучысы Нуриева Ләйлә (укытучысы Муллагалиева Гөлназ Кашаф кызы) 1нче дәрәҗә Дипломга ия булдылар. Котлыйбыз, иҗади уңышлар телибез.

"Укытучылар һәм остазлар елы"  уңаеннан бүген иҗат белән шөгыльләнүче мөгаллимнәр «Яшьлек» яшьләр үзәгендә очрашты. Пучы мәктәбе укытучылары Муллагалиева Гөлназ Кашафовна, Дәүләтова Зөлфия Фоатовна, Нуртдинова Резеда Загировналар катнашып, үз иҗат җимешләрен тамашачы хозурына тәкъдим иттеләр.  

15 май фронтовик-шагыйрь Нур Галим улы Баяновның туган көне. Шул уңайдан укучылар мәктәбебезнең "Туган як" музеенда булдылар. Шагыйрьнең тормыш юлы, Нур Баянга  карата булган истәлекләр, иҗаты белән таныштылар.