“Өстенлекле милли проект: бурычлар, федераль проектлар, төп чаралар” исеме астында Актанышта мәгариф хезмәткәрләренең август киңәшмәсе үтте. Әлеге чарада яңа уку елына максат-бурычлар билгеләнде. Киңәшмә кысаларында укытучыларның, тәрбиячеләрнең иң-иңнәренә төрле дәрәҗәдәге Мактау кәгазьләре, Рәхмәт хатлары тапшырылды. Биредә мәктәбебез директоры Илназ Илшат улы Шәрипов «Заманча белем бирү: яңа таләпләр, яңа мөмкинлекләр, яңа җаваплылык» темасы белән чыгыш ясады, шулай ук ул тырыш һәм нәтиҗәле хезмәте белән районның социаль-икътисади үсешенә лаеклы өлеш керткәне өчен Актаныш муниципаль район Башлыгының Мактау грамотасы белән бүләкләнде.