Яз җитүгә бөтен дөнья ниндидер бер сихри назга, сергә төрелә. Шул назга күмелеп язның беренче бәйрәме “Халыкара хатын-кызлар көне” якынлаша. Шушы форсаттан файдаланып мәктәбебез коллективы һәм укучылары барлык әниләр, дәү әниләр, авылдашлар хозурына 5 нче март көнне Яңа Әлем мәдәният йортында “Йөрәк җылым – бүләгем” дип исемләнгән концерт тәкъдим итте. Чара мәктәп директоры Илназ Илшат улы Шәриповның котлавы белән ачып җибәрелде, аннары укучылар һәм укытучылар тарафыннан әзерләнгән җыр-биюләр, уеннар белән үрелеп барды. Кичәдән соң килгән кунаклар да, укытучылар, укучылар да шат күңел белән таралыштылар.