29 гыйнвар көнне Яңа Әлем мәктәбендә 8-9 сыйныф укучыларының ата-аналар җыелышы үткәрелде. Көндәлек актуаль мәсьәләләрне үз эченә алган сөйләшүне мәктәп директоры Илназ Илшат улы алып барды.

1 көн тәртибе буенча 9 класс җитәкчесе Гөлшат Равил кызы “Тәрбия гаиләдән башлана” дигән тема буенча чыгыш тәкъдим итте.

2 көн тәртибендә укыту-тәрбия эшләре буенча директор урынбасары Резеда Наил кызы “Биреп карау имтиханы нәтиҗәләре” буенча мәгълүмат бирде. 8 һәм 9 класста рус теле һәм математикадан үткәрелгән имтихан нәтиҗәләрен анализлады. Рус теленнән 13 февраль көнне узачак әңгәмәгә әзерлекне арттырырга кирәклеген искәртте. Шулай ук 9 нчы сыйныф укучыларын имтиханнарга әзерләүче укытучылар чыгышлары да тыңланды.

3 көн тәртибе буенча И.И.Шәрипов мәктәпнең профориентлашу эшчәнлеге буенча чыгыш ясады. Актаныш технологик техникумы, “Башак” җаваплылыгы чикләнгән җәмгыяте, “Актаныш-хлеб” оешмалары белән тыгыз элемтәдә булып, экскурсияләр оештырылачагын әйтте.

Җитди җыелышта ата-аналар үзләрен кызыксындырган сорауларга җавап таптылар. Мәктәп коллективы, әти-әниләр, укучылар бердәм эш оештырганда имтиханнарны уңышлы тапшырырлар дигән алмаксат куелды.