31 нче октябрьдән Яңа Әлем мәктәбе базасында урнашкан “Ромашка” мәктәп яны лагере үзенең эшен башлап җибәрде. Лагерьның эш планы да кызыклы итеп төзелгән. Анда мәктәп укучылары һәр көнне гимнастика һәм иртәнге аш белән башлап җибәрделәр. Көн дәвамында аларны тагын да кызыклырак чаралар көтеп торды: беренче көнне укучылар авыл китапханәсенә экскурсягә кереп яңа китаплар белән таныштылар, кызыклы китаплар алдылар, аларны укып бер-берсенә эчтәлекләрен сөйләргә вәгъдә бирделәр.

1 нче ноябрьдә “Юл хәрәкәте иминлеге” учреждениясының Актаныш районы бүлеге башлыгы Рәсимә Заһит кызы Сәетова һәм бәлигъ булмаган балалар белән эшләүче инспектор Багавиева Динара катнашында “Юл йөрү кагыйдәләрен өйрәнү көне” дип аталган кызыклы чара үткәрелде. Динара апалары укучылар белән әңгәмә үткәрде, ә Рәсимә апалары җиңүче балаларга бик күп бүләкләр таратты, юлларда сак һәм уяу булырга дип үзенең киңәшләрен бирде.

Алдагы көннәрдә укучылар төрле эстафеталарда катнаштылар, төрле уеннар уйнадылар, яңа бию алымнары өйрәнделәр. Кыска гына вакыт эчендә балалар ял итеп кенә калмадылар, Бердәм дәүләт имтиханнарына һәм Бөтенроссия тикшерү эшенә эзерләнергә дә җитештеләр. Шулай итеп, бер атнага сузылган көзге лагерь файдалы һәм кызыклы булды.

Фоторепортаж