Туган тел - һәркем өчен иң кадерле , газиз тел ул. Бу телдә безнең телебез ачылган, шул телдә без дөньяны таный башлаганбыз. Мәктәбебездә балаларда туган телебезгә   мәхәббәт  тәрбияләү, халкыбызның үткәне белән кызыксынуларын арттыру  максатыннан,  төрле чаралар уздырыла.9 -14 апрель көннәрендә мәктәптә "Татар теле һәм әдәбияты атналыгы" булып узды.  Татар теле һәм әдәбияты укытучысы Галләмова Г.М. атна дәвамында  укучылар өчен төрле конкурслар , ярышлар уздырды: 9 нчы апрельдә 5 нче сыйныф укучылары арасында "Табышмаклар кичәсе",  10 нчы апрель көнне  6 нчы класслар арасында "Туган тел бәйгесе", 11 апрель - "Зирәк тиен " уен-конкурсы,  12 апрель- 8-9 нчы класслар арасында "Зирәк -шоу" ярышы, 13 апрель -  бөек шагыйребез Г.Тукай иҗатына багышланган бәйге , 14 апрель көнне "Шигырь бәйрәме". Укучыларның иҗади эшләрен туплап , "Чишмәләр чыңы" исемле җыентык чыгарылды. Укучылар татар теле һәм  әдәбияты, тарих, мәдәният  буенча үзләренең белемнәрен сынадылар, бәйгеләрдә актив катнаштылар. Конкурсларда җиңгән укучыларга истәлек бүләкләр тапшырылды.