Балаларны яклау көне уңаеннан лагерьда чаралар үткәрелә. Вожатыйлар Мария Олеговна һәм Фирая Мөбәраковналар укучылар белән авылның истәлекле урыннарына сәяхәткә бардылар.

25 май-26 июньгә кадәр "Жизнь без наркотиков" айлыгы игълан ителде.  Чаралар планы төзелде.

1 июньнән мәктәп яны лагеры үзенең эшчәнлеген башлап җибәрде. Балалар 2 отрядка бүленеп, чараларда катнашалар.

Дару үләннәре җыю дәвам итә. Укучылар карлыган яфрагы җыю белән мәшгульләр.

30 май көнне укучыларга куркынычсызлык кагыйдәләре аңлатылды. Су буйларында сак булырга, юлда йөргәндә игътибарлы булырга кирәклеге искәртелде, укучылардан имзалар алынды, ата-аналар ышаныч язулары калдырдылар.

Укучыларның сагынып көтеп алган җәйге каникуллары башланды.

29 май көнне 5-9 класс укучылары табигатькә экскурсиягә чыктылар.

Җәйге чорда укучыларның кич чыгуларын контрольдә тоту максатыннан, ата-аналар һәм укытучылар катнашында рейдлар оештыру графигы расланды.

2-4 класс укучылары Актанышка экскурсиягә баралар. Актанышның матур урыннарына сәяхәт кылачаклар.

30 май көнне педагогик киңәшмә үткәрелә.