Балаларның юл йөрү кагыйдәләре турында белемнәрен системалаштыру, урамда һәм уен аша юлда үз-үзеңне тоту модельләрен һәм күнекмәләрен формалаштыру максатыннан "Меңнәр балалар бакчасы" катнаш төркеме тәрбияләнүчеләре "Юл билгеләре иленә сәяхәт" квест- уенын күрсәттеләр. Чарада ата-аналарның катнашуы да нәтиҗәле булды. "Юл хәрәкәте иминлеге" Актаныш районы профилактика бүлеге җитәкчесе Фазлиева Л.М. юлларда үз-үзеңне тоту кагыйдәләре, автомобильдә куркынычсызлык каешын эләктерү әһәмияте турында әңгәмә алып барды,  яктылык кайтаручы элементларның барлык җәяүлеләрдә дә булырга тиешлеген искәртеп үтте. Ахырда  чарада катнашучы балаларга тематик китаплар һәм истәлекле бүләкләр тапшырды.