Өлкәннәр!.. Олы кешеләр!.. Күпме мәгънә табып була бу сүзләрдән. Элек-электән үк олы кешеләр тормышның, яшәешнең нигезен  тәшкил иткәннәр: намуслы балалар үстерү, аларның бәхете өчен көрәшү, туган илне дошманнардан азат итү. Киләчәгебез якты һәм тыныч булсын өчен, табыннарыбыз мул, көннәребез уң булсын өчен башкарган барлык эшләр дә алар кулы аша үткән.

Бүгеннән мәктәптә өлкәннәр укөнлеге башланды. Аның кысаларында рәсем  һәм инша конкурслары, "Күңел җылыңны бүләк ит!" акциясе, "Үрнәк гомер юлы" әдәби -  музыкаль кичә уздырылачак. Ункөнлек барышында укучылар игътибарына "Әбием сандыгы" күргәзмәсе оештырылачак, ә укучыларыбыз, тимурчылык хәрәкәтенә кушылып, ярдәмгә мохтаҗ өлкәннәргә хуҗалык эшләрендә ярдәм күрсәтүләрен дәвам итәчәкләр.