3 нче апрель көнне Меңнәр мәктәбендә ата-аналар җыелышы булды. Ул "Бала иминлеген саклауда  ведомствоара өлкә белгечләре, мәктәп һәм гаиләнең бердәм  эшчәнлеге " темасы астында үтте.  Җыелыш Чишмә  җирлеге ФАП фельдшеры Марданова З.Ф чыгышы белән башланып китте. Ул ата-аналарга  ОРЗ,ОРВИ, ГЛПС инфекцияләре  турында сөйләде. Авыруларның куркыныч булуы, беренче симптомнарыннан ук фельдшерга яки табибларга күренергә кирәклеген аңлатты.Бу җыелышта  әти -әниләр мәктәп эшчәнлеге турында үз фикерләрен белдереп, анкеталар тутырдылар, балалар тормышы куркынычсызлыгы турында инструкция тыңладылар,  укучыларны мәктәптә 2 тапкыр ашату   турында  мәктәп директоры Хамзина З.Ф чыгышыннан соң, фикер алыштылар. Аннан соң мәктәптә уку сыйфаты турында, өлгереш һәм йөреш буенча директорның укыту-тәрбия эшләре буенча урынбасары   Давытова Г.Г чыгышы тыңланды.    Ул  ата-аналарны  9 сыйныфларның имтихан бирү расписаниесе белән дә  таныштырып китте. Җыелыш  җитди һәм эшлекле үтте.