Быел халкыбызның бөек шагыйре Габдулла Тукайның тууына 130 ел тула. Һәр чорда шагыйрьне зур ихтирам белән искә алалар. Вакытлар узган саен Тукай әсәрләренә игътибар, аларның әһәмияте, тарихи миссиясе арта. Тулыр-тулмас алты ел гына иҗат итеп калган әдипнең үзе исән чагында ук 33 китабы дөнья күргән. Ятим, мескен Апуштан Мөхәммәтгариф улы Габдулла бөек шагыйрь - Тукайга, халык, милләт хадименә әверелә.Тукай - татарның гына түгел, башка төрки халыкларның да сөекле әдибе. Ул исән чагында ук шактый танылган шагыйрь булган. Тукай - милләт язмышы өчен янып, кайгырып яшәгән әдип. Шул уңайдан, безнең мәктәп укучылары (1-4 сыйныфлар) районда үткәрелгән чараларның берсендә"Эш беткәч,уйнарга ярый" исемле Тукай әсәрләренә ассорти әзерләп катнаштылар.( Укытучылары Басирова Ф.А.,Акмалова Г.Х) Бу мероприятиене алар мәктәптә, ата-аналар алдында да күрсәттеләр. Укучылар Г.Тукай персонажларын  бик килештереп,яратып уйнадылар. Аларга тырышлыклары өчен зур рәхмәт!