Безнең авыл ямьле  Сөн елгасы буена урнашкан. Борын- борынгыдан ук халык яз көне боз озатырга  елга буена төшкән.  Гадәттә елга яки инеш ярында урнашкан татар авылларында,боз озату бәйрәм төсендә үтсә дә,аның магик ягы да бар.Боз озатканда,яшләр,боз өстенә бер уч салам куеп,шуңа ут төртеп җибәрәләр,ә менә өлкәнрәкләр исә,ташу суына төенчеккә әзеләнгән ырым язулары агызган.Икесе дә агымсуның начарлыкны алып китү мөмкинлегенә бәйле.Боз өстенә куеп озатылган салам да,ырым  язуы да кыш буе җыелып килгән кайгы-борчу-авырулардан котылу ысулы.Бу йоланың бабаларның үз аңы белән җиткән бер сере бар - галимнәр дә агымсуның начар энергетиканы алу сәләтен таныйлар бүген..Боз озатуны,халкыбыз гадәттә уен-көлке, җыр белән үткәргән . Елга буена бөтен авыл җыелган.
    Быелгы агымсулар да ел дәвамында булган борчуларыбызны агызса иде.Ташулар бәла - казасыз гына узсын,шифалы сулар елга-елгачыкларны суга тиендерсен,игеннәр җәйрәп үссен иде. Авылдашларыбызга иминлек бирсен, яз айлары хәере белән килсен, дип теләп калабыз!