11 февраль көнне  хәрби - патриотик айлыкны дәвам итеп, укучыларның ике командасы арасында шахмат ярышы үткәрелде. "Кызыллар" командасы җиңде. Класс җитәкчеләре сыйныф сәгатьләрендә батырлык дәресләре үткәрделәр. 

6 нчы февраль көнне Меңнәр төп гомуми белем  бирү мәктәбе укучылары  "Йолдызлык - 2016" фестиваленең зональный турында катнашып, концерт номерлары белән Аккүз мәдәният йортында чыгыш ясадылар. Район турына 4 номерыбыз үтте. Укучылар да, укытучылар да, ата-аналар да бу концерттан бик канәгать  иделәр. Тырышлык бушка китмәде! Алар  бит "Йолдызлык" ка бар көчләрен биреп әзерләнделәр: матур, яңа күлмәкләр тектерделәр, көн дә репитицияләргә йөрделәр. Без аларга зур уңышлар телибез!

Хәрби- патриотик айлык кысаларында,  мәктәптә  укучылар 2 командага бүленеп, спорт ярышлары оештырдылар. (Укытучы Вагизов Н.Т). 4 енче февральдә волейбол уены булды. "Аклар" һәм "Кызыллар"  командалары  арасында дуслык җиңде.

Меңнәр төп гомуми белем бирү мәктәбендә хәрби-патриотик айлык башланды.

23 енче гыйнвар көнне мәдәният йортында авыл советының отчет-сайлау җыелышы булды. Укытучылар коллективы тулы составта катнашты.

12 нче гыйнвар көнне Меңнәр мәктәбендә"Сәламәт бала тәрбияләүдә мәктәп һәм гаилә бердәмлеге " темасы астында ата-аналар җыелышы үткәрелде. Җыелышта ата-аналар балаларның сәламәтлегенә багышланган "Сәламәтлек-зур байлык" уенында актив катнаштылар. Алар бу уенда көнлек режим төзеделәр, спорт темасына багышланган башваткыч чиштеләр, сәламәтлек турында мәкальләр яздылар.Җыелыш бик җанлы һәм күңелле үтте.

9 ынчы гыйнвар көнне  районда укытучылар спартакиадасы булды. Укытучылар  спорт төрләрендә катнашып, көч сынаштылар. Безнең мәктәп укытучылары бу ярышларда 7 нче урынга лаек булды. Коллегаларыбыз  шахмат буенча Саттарова Г.Г.-2 урын, армспорт буенча Вагизов Н.Т.-2урын, волейбол буенча гомуми уенда 2 урыннар алдылар. Аларга зур уңышлар телибез!

8-9 ынчы гыйнвар көннәрендә укучылар, үз көчләрен сынау шарты белән,  рус теле һәм математика фәннәреннән ОГЭ эшләп карадылар. Алда дәүләт сынаулары, ныклап әзерләнергә кирәк. 

26 декабрь көнне мәктәбебездә Яңа ел бәйрәме уздырылды.

5 класс укучылары икенче буын стандарты таләпләре буенча география фәненән проект эше якладылар.