23 нче декабрь көнне  Меңнәр мәктәбендә Чыршы бәйрәме - Яңа елны каршылау  тантанасы  үткәрелде. Бу бәйрәмгә укучылар бик тырышып әзерләнделәр. Яңа елны каршылау - балаларның иң көтеп алган бәйрәмнәренең берсе. Кечкенә класслар матур-матур шигырьләр, җырлар әзерләделәр, ямьле итеп классларын бизәделәр, төрле-төрле маскалар булып киенделәр. Чыршы янында, Кыш бабай белән Кар кызы алдында алар үзләренең һөнәрләрен күрсәттеләр. Кечкенәләребезнең Чыршы бәйрәме бик күңелле узды.

                 22 нче декабрь көнне Актанышта Әлфия Авзалова исемендәге кулҗтура йортында Фән олимпиадаларының муниципаль этабында җиңүчеләрне тәбрикләү тантанасы булды. Бу тантанада укытучылар, мәктәп директорлары, район җитәкчеләре,укучылар катнашты. Бу олимпиадада безнең мәктәп укучылары да актив катнашты. 7 нче сыйныф укучысы Хамзина Наилә (укытучысы Фаррахова Р.Р.) татар теленнән җиңүче дипломы белән бүләкләнде. Кашапов  Илгиз (укытучысы Кашапова Л.Р.) биологиядән 6 урынга лаек булды. Без аларны чын күңелдән котлыйбыз һәм уңышлар теләп калабыз!

            Декабрь башыннан инвалидлар декадасы башланды. Мәктәбебез укучылары авылыбыз өлкәннәренә  шефлык оештырырга булдылар.

                1 декабрь көнне Меңнәр төп гомуми белем бирү мәктәбендә "Әниләр бәйрәме" үткәрелде. Бу бәйрәмдә барлык мәктәп укучылары да актив катнаштылар. Башлангыч класс укучылары (укытучылары Шәрипова Р.Ш. һәм Басирова Ф.Ә) матур итеп шигырьләр укыдылар, әниләргә багышлап җырлар җырладылар,аннан соң алар әниләргә атап, узләре  эшләгән бүләкләрен тапшырдылар. Ә зур класс укучылары (җитәкчеләре Фаррахова Р.Р) "Кызыл алмалар" спектаклен күрсәттеләр.  Әниләребезгә кечкенә актерларыбызның чыгышы  бик ошады.

       1 нче декабрь- Бөтендөнья  СПИДка каршы  көрәш көне.  Меңнәр төп гомуми белем бирү мәктәбендә "СПИД - заман афәте" темасына багышланган класс сәгатьләре үткәрелде. Дөньяда әлеге чирне һәр 6 секундта бер кеше эләктерә. Татарстанда бүгенге көндә һәр 7 сәгатьтә бер кешедә бу авыру табыла. XX гасыр чире дип тә аталган СПИД елдан-ел күбрәк кешегә йога бара.  Әлегә дәвасы табылмаган бу авыру кешегә гадәттә җенси юлдан һәм, йогышлы энәләр кулланып, кан аша килеп эләгә.Үткән гасыр ахырларында табылып, кешелек дөньясын дер селкеткән әлеге авыру вирусы кеше организмы тышында яши алмый. Һавага эләккәннән соң әлеге вирус шунда ук таркала. СПИД вирусының үзен иркен хис итә торган бердәнбер урыны булып кеше организмындагы сыеклык тора.Вирус кешегә бары тик җенси юлдан, кан аша һәм авыру анадан туган балаларга гына йога ала. Инфекция эләктергән кешенең гомере уртача 10-15 ел тәшкил итә.

                  30 нчы ноябрь көнне  Меңнәр төп гомуми белем бирү мәктәбе  "Йолдыз" ата-аналар комитеты "Секреты дружного класса" конкурсында катнаштылар. Профориентация буенча уңышлы чыгыш ясадылар. Алар бу конкурста өстәл ризыклары пешереп алып килеп, бик матур күргәзмә дә ясадылар. 

          24 нче ноябрь - Меңнәр төп гомуми белем бирү мәктәбендә  " "Дәресләрдә һәм дәрестән тыш эшчәнлек вакытында шәхес тәрбияләү  "   темасына багышланган семинар үтте. Бу семинарга районыбызның мәгариф бүлеге башлыгы Вахитов И.Р. һәм барлык мәктәп директорлары да килгәннәр иде. 

           20 нче ноябрь көнне балаларның сәламәтлеген кайгырту йөзеннән авылыбыз фельдшеры  Якупова Г.С мәктәпкә килде.

     В рамках   плана  МКУ  в Минняровской школе были проведены  классные часы, посвященные ко Дню Матери и беседы с учащимися  на тему: «Мама! Это слово святое…». 

        18 нче ноябрь көнне  Меңнәр төп гомуми белем бирү мәктәбендә  ата-аналар җыелышы булды.