26 февраль көнне Актанышның "Бүләк" чаңгы трассасында биатлон буенча район ярышы узды. Безнең мәктәптән Хуҗин Азат (8кл),Загиров Роберт(9кл),Бутаков Максим(10кл) катнашып 2 урынга лаек булдылар. Аларны чын күңелдән котлыйбыз.Укытучылары Туктаров Булат Роберт улы

20 -21 февраль көннәрендә 9-10  класс укучылары «Батыр» спорт комплексында урта гомуми белем бирү мәктәбенең 9-11 класс яшүсмерләре өчен «Допризывник» район хәрби комиссары Кубогына муниципаль ярышларында катнаштылар.10 класс укучысы Бутаков Максим 2 урынга лаек булды.Котлыйбыз.Укытучысы Туктаров Булат Робертович.

Район күләмендә үткәрелгән волейбол ярышында кызлар һәм егетләр 2 урынга лаек булдылар.Котлыйбыз.Укытучылары Туктаров Булат Роберт улы. 

Ел саен уздырыла торган "Сәяр" балалар һәм яшүсмерләр республика театр фестиваленең муниципаль этабында югары класс укучылары белән катнаштык. Ризван Хәмиднең  "Тәбе" әсәрен сәхнәләштердек.Укучылар бик яратып катнаштылар.Театрны әзерләде Гаянова Й.З.,Җигангирова Н.М.

Бүген укучылар тарафыннан әзерләнгән  бәйрәм концертыбыз әти- әниләргә тәгъдим ителде. Концерт бик матур эчтәлектә булды.Әти- әниләрне тагын бер кат бәйрәм белән котлыйбыз! Әзерләгән укытучыларга Ильсөя Индусовнага,Наилә Мисхатовнага,Йолдыз Загидулловнага зур рәхмәт.

Бүген бакчабызда балалар белән "Халыкара туган тел" көнен билгеләп уздык. Максатыбыз: туган телгә мәхәббәт тәрбияләү, милли традицияләрне саклап калу , туган телебездә дөрес итеп сөйләшүне  ныгыту. 

21 февральдә билгеләп үтелә торган Халыкара туган тел көне, кече халыкларның телләрен саклауның мөһимлеген ассызыклый. Бәйрәм уңаеннан Киров  урта гомуми белем бирү мәктәбенең  укучылары өчен әдәби  чара оештырылды. Чарада авыл китапханәчесе Сибгатуллина Э.Ф. катнашты.Ул укучыларга кызыклы биремнәр алып килде.Чара бик матур узды.

Кичә нәниләребез белән район мәдәният йортында узган "Йолдызлык-2025" бәйгесендә катнаштык. Бакчабыз  авыл  балалар бакчалары арасында 2 нче урынга лаек булды. Афәрин, без Сезнең белән горурланабыз, балалар!

Бүген мәктәптә Ватанны саклаучылар көне уңае белән "Ягез әле, егетләр!" бәйгесе  үтте. Егетләр ике командага бүленеп ярыштылар. Ярыш бик кызу  барды. Максим  командасы өстен чыкты. Командаларны котлап, бүләкләр өләшенде.

15 февраль Совет гаскәрләрен Әфган җиреннән чыгарылган көн. Шул уңайдан авылыбыз мәдәният йортында "Әфганстан - күңел ярасы" -дип исемләнгән чара узды. Мәктәп укучылары, мәдәният йорты хезмәткәрләре белән  җылы очрашу үткәрелде. Әфганчыларыбыз  - Башаров Галимҗан һәм  Хаҗиев Сирин абыйлар катнаштылар.