7 октябрь көнне  Әлфия Авзалова исемендәге мәдәният сараенда Укытучылар көненә багышланган бәйрәм чарасы узды. Кичәдә мәгариф хезмәткәрләрен һөнәри бәйрәмнәре белән котладылар, хезмәт алдынгыларына һәм һөнәри бәйгеләрдә уңышка ирешкән педагогларга бүләкләр тапшырдылар. Тантанада районның төрле белем бирү оешмаларында эшләүче укытучылар, тәрбиячеләр, яшь педагоглар һәм күпьеллык хезмәт юлы үткән остазлар хөрмәтләнде. Бәйрәм җыр-моң, котлаулар һәм истәлекле фотолар белән үрелеп барды.

Бүләкләнүчеләр арасында бакчабызның педагоглары булуы да куандырды. "Ел тәрбиячече-2026" бәгесенең муниципаль этабында җиңү яулап, зона этабында катнашкан тәрбиячебез  Лилия Рафак кызы Мостафина Диплом, бәйгенең махсус бүләге, музыка җитәкчебез Чулпан Инсаф кызы Басыйрова район башлыгының Мактау грамотасы, өлкән тәрбиячебез Нуриәхмәтова Айгөл Фәндус кызы Рәсәй Федерациясе Мәгариф Министрылыгың Мактау грамотасы белән бүләкләнделәр. Узган уку елында үзләренең күркәм юбилейларын билгеләп үткән педагогларыбыз да: Әдһәмова Кадрия Васим кызы, Басыйрова Нурия Муллаян кызы, Нуриәхмәтова Айгөл Фәндүс кызы махсус бүләкләр белән бүләкләнделәр. Хезмәтебезне күреп, югары бәяләгән җитәкчеләребезгәрәхмәтләребезне җиткерәбез!