"Йолдызлык" – ул сәләтне ачу, иҗади үсеш һәм зур сәхнәгә тәүге адым. Муниципаль этап нәтиҗәләре районда безнең бакчабыз нәниләре иҗатына зур игътибар бирелүен тагын бер кат раслады.

Бүген, 2 март көнне Әлфия Авзалова исемендәге район мәдәният сарае сәхнәсе балаларыбызның шат авазына күмелде, «Йолдызлык – 2026» фестивале кысаларында район балалар бакчаларының гала-концерты узды.

Фестиваль кысаларында   бакчабызның балалары конферанс, вокал (ансамбль, дуэт, трио, квартет), ялгыз башкару, эстрада һәм халык биюләре, нәфис сүз, шаян җыр номинацияләрендә чыгыш ясап, югары урыннарга лаек булдылар. Аларны, әти-әниләрне, коллективыбызны зур җиңүләре белән ихластан котлыйбыз!!! Киләсе елларда да уңышларга ирешергә язсын иде!