Суытып, беренче кар төшкәч, авылларда каз өмәләре уздырыла. Ата-бабаларыбыздан калган гадәт- өмә көнне каз суйган йортта бәйрәм, җыр-моң, көлке-уен яңгырый. Шушы гадәтләрне дәвам итүне безнең балалар бакчасы коллективы да максат итеп куя.

 Шул максаттан чыгып,  безнең  балалар бакчасында 6 декабрь көнне “Каз өмәсе” дип аталган  бәйрәм иртәсе  узды.
Бәйрәмнәрне мәктәпкә хәзерлек “б” төркеме балалары белән тәрбиячеләр  Халимова Рузалия Рифкат кызы, Вәҗиева Хәния Минҗан, музыка җитәкчесе Басыйрова Чулпан Инсаф кызы  әзерләделәр. Шулай ук  сабыйларның әти-әниләре дә актив катнаштып,  бәйрәм өчен атрибутлар, киемнәр булдыруда көчләрен кызганмадылар.   Бәйрәм уеннар, җырлар, биюләр белән уралып алып барылгач, бик тиз узды. Кечкенәләр төркеме балалары  абый-апаларының чыгышларын карап,  сөенеп утырды, бәйрәмнән дә канәгатьлек хисләре белән таралды.