Уку алдынгылары, фән олимпиадаларында җиңүчеләр, спортта яхшы күрсәткечләргә ирешкәннәр – бер сүз белән әйткәндә, мәктәп тормышында кайнап яшәүче актив укучыларны ел саен район башлыгы чыршысына дәшәләр. Быел әлеге күркәм бәйрәмдә катнашу хокукына укуда, сәнгатьтә, спорттта, иҗат өлкәсендә зур уңышлар яулаган Гыйлфанова айсылу белән Шәвәлиева Айзилә ия булдылар. Анда катнашу – зур мәртәбә, район башлыгының үз кулларыннан Рәхмәт хаты алу – һәр балага карата зур хөрмәт һәм игътибар дигән сүз.