Бүген мәктәбебездә ата-аналар җыелышы уздырылды. Татар теле һәм әдәбияты укытучысы Ә.Р.Исрафилова "Ата-ана җаваплы" темасына методик доклад укыды. Төркемнәрдә педагогик ситуацияләр язылган биремнәрне үтәделәр, үз фикерләрен белдереп, тиешле чишелеш табуда ата-аналар теләп катнаштылар. Укыту-тәрбия эшләре буенча директор урынбасары - Г.М.Сәетова уку торышы белән таныштырды, БДИ үзенчәлекләренә тукталды. Мәктәп директоры - Г.Р.Әхметова алда торган бурычларга тукталды. Сөйләшү класс җитәкчеләре белән үз кабинетларында дәвам итте.

Мәктәбебезнең тарих һәм җәмгыять белеме укытучысы Г.М.Сәетова Халыклар бердәмлеге көне үзенчәлеге белән таныштырды.

Китапханәләр айлыгы тәмамланды. Укытучы-китапханәчебез Ә.Р.Исрафилова айлыкта уздырылган чараларга йомгак ясады. Җиңүче укучылар "Мактау грамота"лары һәм бүләкләр белән тәбрикләде.

Алтын көз үзенең күзләрне камаштырырлык төсләре белән генә түгел, үзенең муллыгы белән дә күңелләребездә рәхәтлек мизгелләре кичерергә ярдәм итә. Мәктәбебездә "Уңыш бәйрәме" уздырылды. Төрле бәйгеләрдә көч сынашып, 8 нче һәм 9 нчы класс укучылары җиңеп чыктылар. Кичәне оештыручы укытучыбыз А.Т.Рәхимовага, катнашкан укучыларга, аларга юнәлеш биргән класс җитәкчеләренә рәхмәтебезне белдерәбез.

"Мәктәп китапханәләре" айлыгында ирекле темага иҗат эше бәйгесе игълан ителгән иде. 5 нче класс укучыларына тиңнәр табылмады. Камалетдинов С.Х., Булатов Н.Ш., Гәрәев З.Д. призлы урын алдылар. Киләчәктә дә уңышлар телибез.

Бүген башлангыч класс укучылары  мәктәбебез музеенда экскурсия ясадылар. Китапханәчебез Ә.Р.Исрафилова аларны әңгәмә рәвешендә музейдагы һәр истәлек белән таныштырды.

Югары класс укучылары белән "Шаярып алыйк әле" дигән уен-бәйге уздырылды. Һәркем кызыклы җаваплар таләп ителгән сорауларга тиз вакыт эчендә җавап табарга тырышты. Л.Р.Галимова, Д.Р.Резванова (9 нчы класс), Р.Ф.Басыйров (8 нче класс) иң зирәкләре иделәр.

Югары класс укучылары арасында "Интеллектуаль уен" бәйгесе уздырылды. Резванова Д.Р.,  Имамов И.В., Галимова Л.Р., Гайсин Р.Р., Манихова А.М., Басыйров Р.Ф., Камалетдинов С.Х. җиңеп чыктылар. Киләчәктә дә бәйгеләрдә алдынгы булуларын телибез.

Башлангыч класс укучылары белән "Кем тапкыр, кем зирәк..."  бәйгесе уздырылды. Кыска җавап таләп ителә торган сорауларга тиз вакыт эчендә җавап бирүдә Гыйльманова Э.Р., Басыйров Р.Ф. (3 нче класс) җиңеп чыктылар.

Башкорт, татар язучысы, шагыйре һәм драматургы, Башкортстанның халык шагыйре, С.Юлаев премиясе лауреаты Мостай Кәримнең тууына 100 ел тулуга багышланган чаралар уздырылды.