Бүген мәктәптә “Уңыш бәйрәме” уздырылды. Укучылар теләп катнаштылар. Күңелле уеннар концерт номерлары белән үрелеп барды. Рәсем конкурсы, яшелчәләр һәм яфраклардан көзге фантазияләрне яклау уздырылды. Катнашкан һәр укучыга һәм кичәне оештырган укытучыбыз Р.Р.Фәрраховага рәхмәтебезне белдерәбез.

Башлангыч класс укучылары “Сабантуй” журналы белән таныштылар. Алган тәэсирләре белән уртаклашып, әңгәмәдә катнаштылар.

19-30 нчы октябрьдә 5-9 нчы класс укучылары, I чирек өчен, административ контроль эшләр башкарачак.

Укучыларның дәреслекләр тотылышы тикшерелде. Чисталыгы, тышланышына күзәтү ясалды.

“Милли тәрбия – милләт киләчәге” дигән китап күргәзмәсе эшли.

Республикакүләм уздырылучы "Укучы әни - китап укучы ил" бәйгесендә катнашу өчен, Булатовлар гаиләсенең  эше район этабына җибәрелде. Аларга уңышлар телибез.

10 нчы октябрь көнне “Милләтләр кроссы – 2020” узды. Мәктәбебез коллективы актив катнашты.

10 нчы октябрь көнне мәктәбебездә “Экологик өмә” уздырылды. Мәктәбебез территориясен яфраклардан, чүптән чистарттык./10 октября на территории на нашей школы прошёл экологический субботник.

Башлангыч класс укучылары журналлар белән таныштылар. Андагы әсәрләрне укыдылар.

“Китапка икенче тормыш бүләк ит” акциясенә укучылар теләп кушылды. Үзләренең әдәби китапларын китапханәгә бүләк иттеләр.