“Йолдызлык” фестивале ел саен сәләтле балаларны берләштерә, аларга үзләренең иҗади мөмкинлекләрен күрсәтү мөмкинлеге бирә. Мондый бәйгеләр яшь буында сәнгатькә мәхәббәт һәм ышаныч тәрбияли.
Кичә Әлфия Авзалова исемендәге район мәдәният йортында “Созвездие-Йолдызлык” фестиваленең район этабына йомгак ясалды. Биредә балалар бакчалары сәхнә тотты. Барлыгы 240 ка якын яшь катнашучылар бүләкләнде.
Әтәс балалар бакчасына йөрүче Хамзат Салихов “Йолдызлык” иҗат фестивалендә уңышлы чыгыш ясады. Ул сәхнәдә шигырь сөйләп, тамашачыларны һәм жюри әгъзаларын сокландырды. Яшь нәни артистның чыгышы югары бәяләнде. Нәтиҗәдә, Хамзат Салихов II дәрәҗә лауреат исеменә лаек булды. Хамзатны әлеге зур уңышы белән котлыйбыз һәм киләчәктә дә яңадан-яңа җиңүләр телибез!