Бүген мәктәптә Түбән Кама электр челтәре вәкилләре белән очрашу булды. Укучыларга электр җиһазлары белән ничек эш итәргә, "ток тотканда" кешегә беренче медицина ярдәме күрсәтергә, яшен вакытында үзеңне дәрес тотарга аңлаттылар. Аңлату күңелле уеннар белән үрелеп барылды.

Бүген Бөек Ватан сугышының 69 еллыгына багышланган җәйге спартакиадасы узды.Гомуми нәтиҗә буенча безнең мәктәп командасы 1 урынны яулады. (Җитәкчесе Хабибуллин А.) Укучылар җәйге спартакиада ярышында түбәндәге урыннар алдылар:

Бөек татар шагыйре Габдулла Тукайга багышлап, "Атна вакыйгалар" газетасында укучылар арасында үткәрелгән бәйгедә Хабибуллина Алинә җиңүче булды. Киләчәктә  тагы да зуррак җиңүләргә ирешүен телибез!

Май бәйрәмнәрендә укучылар өчен Ижау шәһәренә экскурсия оештырылды. Ижау шәһәре укучыларда яхшы тәэсирләр калдырды.

Г.Тукайның туган көне уңаеннан мәктәбебездә 6-7 класс укучылары Ландыш Ильгиз кызы җитәкчелегендә әдәби- монтаж күрсәттеләр.

Фирая Жданова призына үткәрелгән ярышта укучыларыбыз 2 урынга ия булдылар. Укучыларны чын күңелдән котлыйбыз! (Җитәкчесе Хабибуллин А.)

6 класс укучылары Г.Камалның "Беренче театр" комедиясен сәхнәләштерде. Килгән ата-аналар һәм тамашачылар комедияне бик яратып карадылар. Рольләрне бик зур осталык белән башкардылар. (Җитәкчесе Насыйрова Э.)

4 бөтенрәсәй Г.Тукай исемендәге "Җәлилчеләр" сәнгатьле сөйләүчеләр конкурсында Насыйров Алмаз диплом белән бүләкләнде. Алмазны котлыйбыз һәм киләчәктә дә уңышлар телибез!

9 сыйныф укучылары Т. Миңнуллиның "Бәхетле кияү"дип исемләнгән комедиясен сәхнәләштереп, укучылар, укытучылар, ата-аналарга тәкъдим иттеләр. Җитәкчесе ( Галиева Л.И.)

Районда  узган физикадан мәсьәләләр чишү бәйгесендә  безнең команда 5 урында. Укучыларны котлыйбыз! Җитәкчесе ( Фатихова Д.А.)