2025 елның 8 маенда Аккүз төп гомуми белем бирү мәктәбендә Бөек Җиңүнең 80 еллыгына багышланган митинг узды. «Безнең йөрәкләрдә Җиңү кайтавазы!» -  бу чараның исеме генә түгел, бу митингның девизы да булып торды. Тантаналы бәйрәм РФ һәм ТР гимннарын башкарудан башланды. Митингта Актаныш районының яшьләр эшләре, спорт һәм туризм бүлеге җитәкчесе Магданов А.Х.., Аккүз авыл җирлеге рәисе секретаре Галлямова З., «Чишмә» ҖЧҖ директоры Сәхабетдинов Р. Р., Аккүз мәктәбе директоры Шайдуллина Л.Ню катнаштылар. Алар барысы да әлеге чарада катнашучыларны «Җиңү көне» белән котладылар. Мәктәп укучылары, балалар бакчасында тәрбияләнүче нәниләр шигырьләр сөйләделәр, җырлар-биюләр башкардылар, Ватан өчен сугышкан һәм җиңгән кешеләргә рәхмәт сүзләре әйттеләр. Һәлак булган батырларны бер минут тынлык белән искә алдылар һәм һәлак булган сугышчылар һәйкәленә чәчәкләр салдылар.