Мәктәбебезнең мөһим традицияләренең берсе булып күп еллар дәвамында тыл ветераннарына һәм өлкәннәргә шефлык ярдәме күрсәтү тора. Бу аерым ихтирамга һәм чиксез рәхмәткә лаек кешеләр. Менә бүген дә 9 сыйныф укучылары мәктәптә химия укытуга бөтен гомерен багышлаган һәм хәзер лаеклы ялда булган педагогик хезмәт ветераны Исламова Әлфинур Нәҗметдин кызына ишегалды территориясен җыештыруда кулларыннан килгәнчә ярдәм иттеләр. Әлфинур апа укучылар белән очрашуга бик шатланды, аларга укуларында уңышлар, якты киләчәк  теләде. Өлкәннәргә, ветераннарга бүген яшьләрнең игътибары һәм хөрмәте кирәк. Укучыларның мондый очрашулары патриотлык, лаеклы кешеләргә карата ихтирамлы мөнәсәбәт тәрбияли.