Син мине бишектә тирбәттең, Өметем, күз нурым” дип әйттең, Көйләрең бәгъремә уелды, Балачак җыр булып тоелды. Әни, ана – бары тик өч хәрефтән торган әлеге сүзләр үзләрендә күпме наз, йөрәк җылысы һәм ниндидер самими көч, саф мәхәббәт саклыйлар. Әйе, әлеге сүзне әйткән саен күңел йомшара, ишеткән саен дөнья ямьләнә. Әни бит ул Җир йөзендә һәркемнең дә иң якын, иң кадерле кешесе. Һәм бу мәхәббәт хәзер генә түгел, озак еллар дәвамында барлыкка килеп формалашкан. Шуңа күрә аңарга карата булган хисләр ташкыны да бик көчле. Җәннәт аналарның аяк астында, дигән җөмлә белән килешмәүчеләр юктыр диярлек. Әйе, алар – аналар һәм безнең изге бурычыбыз – әлеге изге кешеләргә карата рәхмәтебезне, хөрмәт һәм яратуыбызны белдерү. Шушы уңайдан безнең мәктәптә дә "Әнием-алтыным" бәйрәм тантанасы билгеләп үтелде. Кичәне мәктәбебез укытучылары Р.Д.Гарипова һәм З.Н.Әхмәтова оештырды һәм алып барды. Хөрмәтле, Әниләр, Сезне чын күңелдән бәйрәм белән котлыйбыз. Сезгә тормышыгызда гаилә бәхете, балаларыгызга ана назы биреп, аларны аңлап, туры юл күрсәтеп яшәвегезне телибез.

"Белем җәүһәрләре" II Бөтендөнья интернет-проектлар бәйгесенә йомгак ясалды. Нәтиҗәләр билгеле булды. Йомгаклау кичәсе 29 октябрь көнне “Казан” милли-мәдәни үзәгендә үтте. Бүләкләү тантанасында үзенең ике интернет-проекты белән катнашып III дәрәҗә дипломга ия булган Д.М.Шәвәлиев та катнашты.  Кичә, җыр-биюләр белән үрелеп бик җанлы төстә узды.

Бүген, ягъни 24 нче октябрь көнне мәктәп күләмендә "Уңыш бәйрәме" үтте. Башлангыч сыйныфлар укучылары "Кәҗә кергән бакчага" исемле әкият сәхнәләштерсә, 5-9 сыйныф укучылары арасында КВН үткәрелде. Кичәне чит тел укытучысы Р.Р.Хоснитдинова оештырды һәм алып барды.