Туган тел айлыгы кысаларында мәктәптә "Республикам минем - Татарстан" дигән темага иллюстрацияләр һәм"Тел -күңел көзгесе" дигән темага иншалар конкурслары бара. Шулай ук, "Күп укысаң, күп белерсең" Бөек Җиңүнең 75 еллыгына багышланган  китаплар күргәзмәсе эшли. 

8 февраль көнне мәктәптә чаңгы ярышы узды.Бөтен коллектив бердәм рәвештә чаңгыга басты.

Тат.Суксу мәктәбендә сыйныф җитәкчеләренең һөнәри конкурсы узды. Анда безнең мәктәптән Исламова Г.М. катнашып, уңышлы чыгыш ясап кайтты.

Мәктәптә хәрби - патриоик айлык кысаларында төрле чаралар башланды. Шундыйларның берсе - Әфганчыларны искә алу. Безнең авылдан Әфган сугышында катнашкан Хамитов Маратның йортында истәлек тактасын ачу тантанасында катнаштык. Чара бик эчтәлекле, тәрбияви төстә узды.

5 февраль көнне  Актаныш технология техникумында "Поварлык эше" һәм "бухгалтер исәбе компетенцияләре буенча "Профдебют" конкурсы узды.Анда безнең мәктәпнең 9 сыйныф кызлары Ахметова Л. һәм Госманова Г. катнашып, үз көчләрен сынап кайттылар. Укытучылары: Ахметова З.Н.

29 нчы гыйнвар көнне район күләмендә үткәрелгән инглиз телендә театр конкурсында безнең мәктәп коллективы 3 урынга ия булды. Укытучылары: Н.Х.Гилванова. 

Бүген, ягъни 30 нчы гыйнвар көнне 9 нчы класс укучылары геометрия фәненнән район мәгариф бүлеге үткәргән кисемдә катнаштылар.

Бүген, ягъни 30 нчы гыйнвар көнне, җәмыять белеменнән район мәгриф идарәсенең боерыгы нигезегндә, сайлап алу фәне буларак, читтән торып биреп карау тесты үткәрелде.

14 январь көнне безнең мәктәптән Камалов Б., Гилванов А., Ахметова Л. "Яшь гражданнар форумы" нда катнашып, уңышлы чыгыш ясап кайттылар. Җитәкчеләре: Гарипова Э.Ф.

13 январь көнне мәктәптә ата-аналар җыелышы узды.