1.      Җомга көн өлкән сыйныф укучыларының  башлангыч сыйныфлар белән бергәләп кызыклы мәсьәләләр чишү белән башланып китте. Башлангычлар мәсьәләләрне шундый зур мавыгу белән чиштеләр,  хәтта, дәрескә башлануны белгертеп кыңгырау чылтырагач та, мәсьәләләрдән аерылырга теләмәделәр.

Бүген хоку бозуларны кисәтү отрядының чираттагы утырышы үтте. Утырышта Яңа елга әзерлек, юл йөрү кагыйдәләренең үтелешенә багышланган мәсәләләр каралды.

Бүген мүктәп күләмендә кышкы сезонны ачуга багышланган чаңгы ярышлары үтте. Җиңүчеләр мәктәпнең мактау грамотасы белән бүләкләнделәр.

Бүген  " Билгесез солдат көне" нә багышланган сыйныф сәгатьләре үтте. Сөләйманов Р.Х. тарих укытучысы 8 сыйныф укучылары белән хәбәрсез югалган солдатлар турында мәгълүматларны  интернет челтәреннән ничек итеп эзләү юлларын өйрәтте. 

1.      Җомга көнне Ибраһимова Роза 6 нчы сыйныфларда “Дәрәҗә” темасына математикадан ачык дәрес үткәрде. Ачык дәрестә катнашкан укытучылар фикеренчә дәрес яңа уку стандартларына туры китереп¸ югары дәрәҗәдә үтте.  Яңа теманы актуальләштерү һәм  рефлексия этабында укчыларның барысы да  яңа материалны яхшы үзләштерүләре һәм гамәлдә куллана белүләре күренде.

Пәнҗешәмбе көнне физикадан ике чара үткәрелде. “Форд Боярд алтыны” уенына ошатып үткәрелгән “Физика алтыны” дип аталган физик кичә иң беренче чиратта ике төркем арасында барган кискен көрәш һәм физик парадоксларларны эченә алган сораулары , кызыклы тәҗрибәләре белән истә калды. Укучылар арасында  атна дәвамында кичәдә бирелгән сорауларга җаваплар турында фикер алышу күзәтелде.

Бүген физика фәненнән 8 сыйныфта  "Электор чылбыры һәм аның өлешләре" дигән темага ачык дәрес үтте. Укытучы : Давлетшин И.И.

1.       Мәктәпнең физиклар төркеме  физикадан Бөтенроссия олимпиадасының  муниципаль этабында  уңышлы чыгыш ясады.  Нигматуллин Җәлил җиңүче, Шарифуллин Айрат  икенче  нәтиҗә белән призер булдылар. Бикушев Рәфис дүртенче  урынны алды.

Бүген мәктәп укучылары белән  Бөтенрсоссия акциясендә катнашу уңаеннан "Спидка каршы көрәш көне " билгеләп үтелде. Сәламәтлек сәгатьләрендә  интернет ресурслардан да мәгълүматлар кулланылды.

1.      Сишәмбе көнне , физикадан олимпиаданың муниципаль турында катнашкан укучылардан торган төркем, башлангыч сыйныфлар өчен физикадан кызыклы тәҗрибәләр үткәреп, тәҗрибә нәтиҗәләрен аңлатып бирделәр. Башлангыч сыйныф укучылары тәнәфес тәмамлангач та, “физик абыйларын” җибәрмичә, тәҗрибәләргә карата һәртөрле сораулар белән күмделәр. 10 нчы сыйныфның кызлары башлангыч сыйныфлар  мавыктыргыч физик материаллар хәзерләп чыгыш ясадылар.