Җир йөзендә иң матур сүз — әни. Ул — һәрберебезгә якын, беренче сүз. Әни куллары — иң мәрхәмәтле, назлы куллар. Әни йөрәге — иң тугрылыклы һәм сизгер йөрәк. Кеше ничә яшьтә булсада, аңа әни кирәк, аның иркәләве, ягымлы карашы кирәк. Шушы матур бәйрәм уңаеннан безнең мәктәптә башлангыч сыйныфлар арасында "Иң  кадерлем син минем" исемле бәйрәм булды. Һәр сыйныф бик тырышып әзерләнгән. Әниләр турында шигырьләр сөйләдек, җырлар җырладык, рәсемнәр ясадык. Бәйрәм бик күңелле булды. Дусларым, әниләребезне рәнҗетмик, аларны хөрмәт итик, яратыйк. Әниләребез — безнең күз нурларыбыз.